الجمعة، 12 نوفمبر 2010
حاجات تتحس ومتتقالش
9:18 ص | 
مرسلة بواسطة
لوليتا |
حاجات تتحس ومتتقالش
موضوعنا اليوم هيكون بسيط ومختصر جدا واسمحولى
فى بدايه المجله ومع اول عدد أنى هبعد شويه عن اللغه
العربيه ومصطلحاتها وبما أنه كلام ستات فى ستات
هستخدم لغه قريبه مننا ومن تفكيرنا ومن قلوبنا كستات
فى حاجات كتير لو أطلبت متتحسش ولو أتعملت بعد ما أطلبت للأسف بيكون تأثيرها سلبى وده فى أى علاقه فى الدنيا فما بالكم بئا لكن فى الحب وخاصة العلاقة الزوجيه ......... يعنى مثلا لما الزوج يحس أن زوجته أهملته وبدأت تهتم بغيره حتى لو غيره ده أبنه اللى من صلبه وقتها مينفعش يطلب منها تهتم بيه تفتكروا ليه ؟؟؟؟؟؟ ولا مثلا لما الزوجه تحس أن زوجها يدأ يبعد وينساها مع ضغوط الحياه ومشاكل البيت ومصاريف العيال وقتها ليه متقدرش تطلب منه انه يغيَر طريقة حبه ليها ويعيدوا الحب اللى تاه بين الزحمه تفتكروا ليه ؟؟؟؟؟؟؟
ليه دايما بنكبر المشاكل ومبنحاولش نحلها من بدايتها انا معاكم ان فى حاجات متنفعش تتطلب ولما بتتطلب معناها بيضيع بس تعالوا نبصلها من زوايه تانيه زوايه الحافظ على الحب والاستقرار صدقونى الموضوع يستاهل المحاوله واحتماليه الفشل لا تعنى الفشل نفسه لان تكرار المحاوله غالبا ما ينجح .........
عزيزى أدم
تفتكر ورده صغيره او هديه بسيطهاو كلمه حلوة
تعبربيها عن استمرار حبك لزوجتك كتير عليها
على أم ولادك التى منحتك أجمل لقب يمكن أن يلقب
به أده أبو فلان ..........
عزيزتى حواء
أليس هذا هو الرجل الذى حاربتى من أجله
الجميع لتفوزى به دون غيره ؟
أليس هذا الرجل الذى انتظرتيه دوما ليكون
أمان وأمنك ؟
كتير عليه يرجع البيت يلاقى أم عياله فى أبهى
صورها وأناقتها ।
كتير عليه يرجع البيت يشم ريحه برفانك ؟
كتير عليه يلاقى معاكى الحب اللى كان أيام
خطوبتكم وحبكم ؟
لا تنسى أنه أدم الذى منحك أجمل لقب
تنادى به الأم ......
فى نهايه كلامى عاوزه أقولكم بجد الموضوع
يستاهل المحاوله وتكرار المحاوله
وهنتظر رأيكم ومشاركاتكم معانا
التسميات:
كلام ستات
الاشتراك في:
تعليقات الرسالة (Atom)
2 التعليقات:
كلام معقول جدا
مبروك علينا الاعدد الأول وفي انتظار باقى سلسلة مقالالتك
مبروك الافتتاح وان شاء الله نستمر
وانتو معانا بمشاركاتكم ومقترحاتكم
إرسال تعليق